Friday, September 21, 2018

ජීවිතයක වටිනාකම


 (උපුටා ගැනීම මුහුණු පොතෙනි. මුල් කතෘට ප්‍රණාමය හිමිවේ)

දවසක් පුංචි දරුවෙක්
එයාගෙ සීයා ලගට ගියාලු..
ගිහින් ඇහුවලු මෙහෙම..
සීයේ.. ජීවිතේකට වටිනාකමක් තියෙනවද..?
මගේ ජීවිතේ වටිනාකම කීයද..?“
සීයා මේ පුංචි දරුවා අතට රලු ගලක් දුන්නලු..
දීලා කිව්වලු මෙහෙම..
පුතා ගිහින්.. මේ ගලේ වටිනාකම කීයද කියලා හොයාගෙන එන්න.. හැබැයි කීයටවත් මේ ගල විකුණන්න නම් එපා..“
පුංචි දරුවා ඒ ගලත් අරගෙන ගියා දොඩම් වෙලෙන්දෙක් ලගට..
මාමේ.. මේ ගල කීයක් වෙනවද..?“
දොඩම් වෙලෙන්දා ඒ ගල අතට අරගෙන බැලුවා.. රතු පාටට යාන්තමින් දිලිසෙන ගල ගැන වෙලෙන්දාට සැකයක් ඇතිවුණා..
මේකට මං පුතාට දෙන්නම් දොඩම් ගෙඩි දුසිමක්..!“
ස්තුතියි මාමේ.. ඒත් සීයා කිව්වා මට මේ ගල විකුණන්න එපා කියලා..“
පුංචි දරුවා ඊලගට ගියේ එළවලු වෙලෙන්දෙක් ලගට..
මාමේ මේ ගල කීයක් වෙයිද..?“
එලවලු වෙලෙන්දත් මේ ගල අරගෙන බැලුවා..
පුතා මේක මට විකුණන්නද යන්නෙ.. මම මේකට දෙන්නම් එලවලු ගෝනියක්ම..“
ස්තුතියි මාමෙ.. ඒත් සීයා මට කිව්වා මේක විකුණන්න එපා කියලා..“
දරුවා ඊලගට ගියේ ආභරණ වෙලෙන්දෙක් ලගට..
මේ ගලට කීයක් දෙන්න පුළුවන්ද..?“
ආභරණ වෙලෙන්දා ගල අතට අරන් පරීක්ෂා කළා..
හ්ම්.. මේකට මම දෙන්නම් ලක්ෂ දහයක්..“
පුංචි දරුවා වෙලෙන්දාට ස්තුති කරලා වෙනදා උත්තරයම දීලා එන්න ලෑස්ති වුණා..
හා කමක් නෑ.. මම ඔය ලමයට ලොකු රත්තරන් මාල දෙකක්ම දෙන්නම්කො.. මේක මට විකුණන්න..“
නෑ මාමේ.. මට ඕන වුණේ මේකෙ වටිනාකම දැනගන්න විතරයි..“
පුංචි දරුවා ඊලගට ගියේ මැණික් වෙලෙන්දෙක් ලගට..
මේ ගල අතට අරන් පරික්ෂා කරලා බලපු මැණික් වෙලෙන්දා ආයෙමත් මේ ගල පුංචි ළමයා අතට දීලා මෙහෙම ඇහුවා..
කවුද මේ ගල පුතාට දුන්නේ..?“
මගේ සීයා..“
පුතේ මේ ගල ලොකු රතු මැණිකක්.. මේ වටිනා මැණික ගන්න මගේ ලග තියෙන හැම සතයක්ම එකතු කළත් මදි වේවි.“
මේ හැම දේම අහගෙන පුංචි දරුවා ආපහු සීයා ලගට ගියා..
ගිහින් සීයාට හැම දේම කිව්වා.
ඊට පස්සෙ ඇහුවා..
ඉතින් සීයේ කියන්න.. මගේ ජීවිතේ වටිනාකම කීයද..?“
ඒකට උත්තරය තමයි පුතේ ඔයා ඔය හොයාගෙන ආවෙ.. එක එක්කෙනා ඒ ගොල්ලන්ගෙ දැනුමෙ හැටියට, ඒ ගොල්ලන්ගෙ අවංක කමේ හැටියට, ඒ ගොල්ලන්ගෙ විශ්වාසයෙ හැටියට ඔයාගෙ ජීවිතේ මිල තීරණය කරයි.. සමහරු කියයි ඔයාගෙ කිසිම වටිනාකමක් නෑ කියලා.. සමහරු ඔයා ගැන හරි හැටි නොදැන පුංචි වටිනාකමක් කියයි.. ඒත්.. කවදා හරි ඔයාව හරියටම දන්න කෙනා ඔයාගේ ජීවිතේ වටිනා කම කියා දෙයි.. ඔයා කොච්චර වටින කෙනෙක්ද කියලා ඔයාට පෙන්නලා දෙයි..
ඒ නිසා ඔයාව විශ්වාස කරන්න..
ඔයාව අගය කරන්න..
ඔයාගෙ ජීවිතේ වටිනාකම අවතක්සේරු කරන්න එපා..
කිසිම කෙනෙක් ගාව ලාබෙට විකිණෙන්න එපා..
තමන්ට ගරු කරන්න..

Tuesday, June 12, 2018

මට මාව අඳුනන්න පුලුවනියි කීවොතින් ???

කාලයක් තිබුණා මට - ගොම පොලවෙ නිදාගෙන
ඇලෙන් ඇඟ හෝදලා - බිම ඉඳන් බත් කාපු
බඩ නැතත් හිත පිරුණු - ඒ සොඳුරු ජීවිතේ
හීනෙනුත් දකින්නට - අද පෙරුම් පුරනවා

Wednesday, February 7, 2018

අලියද, අතද, පොහොට්ටුවද


මේ ලඟදී අපේ ගමේ පන්සලේ ස්වාමින්වහන්සේ දහම් පාසැල් ගොඩනැගිල්ලට මුල්ගල තැබීමට ආරාධනා කිරීමට පලාතේ ශ්‍රී ලංකා සංවිධායකවරයා හමුවීමට වැඩියේය. සංවිධායක කීවාට දැන් මෛත්‍රී පාර්ශවයේ නියෝජ්‍ය ඇමතියෙකි. ඇමතියා ගත් කටටම කීවේ මෙන්න මේකය. “මට ඕවට එන්න වෙලාවක් නෑ. මට වෙන වැඩ තියෙනවා. කොහොමත් මම ලබන සැරේ ඡන්දෙ ඉල්ලන්නේ නෑ. මම ජාතික ලැයිස්තුවෙන් එන්නේ. ඒක නිසා මම ඕවට එන්නේ නෑ.“ හාමුදුරුවන්ද එතනට ගිය පිරිසද මුහුණට මුහුණ බලාගත්තේ අවුරුදු ගනනාවක් තමන්ගේ ඡන්දයෙන් පාර්ලිමේන්තුවට ගිය එකා අපට කථා කරන්නේ මේ විදිහටදැයි කියා හිතාගන්නට බැරුවය.  

Sunday, September 10, 2017

ඔබේ දරුවා ජනප්‍රිය පාසැලකට ඇතුළත් කරගන්නේ කෙසේද?



සිරි ලංකාව නිදහස් අධ්‍යාපනයක් ඇති රටක් බව කුරුටුගාමීන්ද, පෙරටුගාමීන්ද, රතු සෙට් එකද, රට්ටුන්ද, පාලකයින්ද නිතර කියනා දෙයක්ය.  හැබැයි ඒකත් හරියට අර රටේ නම වාගේමය. සිරි ලංකා ප්‍රජාතාන්ත්‍රික සමාජවාදී ජනරජය යැයි නම තිබුණාට මෙහේ ඇති රෙද්දේ සමාජවාදයක් නැත්තේය. ඇත්තේ සමාජ වද පමණි.  මෙහෙ ඇති හැම දේම එහෙමය. ඇත්තේ නමට පමණි. නොමිල සෞඛ්‍ය සේවයක් කියා දෙයක් ඇතද ඉස්පිරිතාලයට ගියවිට නොමිලයේ ලැබෙන්නේ දොස්තරගේ පරීක්ෂාව පමණි. දිළිඳු සහණාධාර කියා ලැබෙනා සොච්චං සමෘද්ධියද බාගෙට බාගයක් ගන්නේ යමක් කමක් ඇති එවුන්ය. සුදුසුකමට රස්සා දෙනවා කියා සම්මුඛ පරීක්ෂණ තිබ්බාට වැඩිහරියක් රස්සාව දෙන්නේ සම්මුඛ පරීක්ෂණයට පෙර හෝ පසුව පුද්ගලිකව සම්මුඛ වන එකාලාටය. නැතිනම් එකීලාටය. ඉතින් යථාවාදී තථාකාරී ගුණයෙන් පරිපූරණ මෙහෙව් රටක නිදහස් අධ්‍යාපනයක් කියා දෙයක් බලාපොරොත්තු වන අපිටත් පිස්සුය.

Monday, June 19, 2017

සිද්ධාර්ථ කුමරා කොට්ට උරයක



ඉන්දියාවේ සිටි කාලය තුල මයිසූර් සහ බැංගලෝර් පලාත්වල සිදුකළ චාරිකා  අතිශය සුන්දර  විය. හයිද්‍රාබාද් සිට බැන්ගලෝර්වලට වැඩි වියදමකින් තොරව ඩොමැස්ටික් ප්ලයිට් එකක යාමට පුලුවන්කම තිබුනද සංවිධායකවරුන් විසින් අපට අලුත් අත්දැකීමක් ලබාදෙනු රිසියෙන් මේ ගමන පැය 12 ක දුම්රිය චාරිකාවක් ඇතුලත්වන සේ සංවිධානය කර තිබුණි.